Түштүк Суданда 17 жаштагы кызды Facebook баракчасына аукционго коюп күйөөгө беришти. Бул туурасында CNN жазды.
Адаттан тышкаркы жарнама сайтта 25-октябрда пайда болгон. Кийинчерек ал билдирүүнү анын ата-энеси эмес, анын тааныштары жайгаштырганы маалым болгон.
Онлайн аукционго 5 киши катышкан. Алардын арасында колунда бар чиновниктре да бар болчу. Жыйынтыгында судан кызын 3 автоунаа, 10 миң доллар жана 500 уй сунуштаган кишиге сатышкан.
Кийинчерээк укук коргоочулар Facebookтун жетекчилигинен контентти текшерип турууну талап кылышты. Бирок CNNдин маалыматы боюнча ресурстун жетекчилери аукцион боюнча 9-ноябрда угушкан, ал эми эки тараптын үйлөнүүсү 3-ноябрда болгон.
Бул боюнча соцтармактын өкүлдөрү билдирүү таратышты. “Биз ал билдирүүнү өчүрдүк, колдонуучуга чектөө киргиздик”,-деп айтылат маалыматта.