“Кыргызстан: кечээ, бүгүн, эртең” аталыштагы курултайда өлкөнүн атын өзгөртүү маселеси каралбайт. Бул тууралуу бүгүн, 22-ноябрда курултайды уюштуруу комитетинин төрагасы Кеңешбек Дүйшөбаев маалымат жыйынында билдирди.
Анын айтымында, өлкөнүн атын өзгөртүү “Аалам” партиясынын лидеринин жеке пикири болуп саналат.
Эске салсак, 21-ноябрда “Аалам” партиясынын лидери Арсланбек Малиев Кыргызстандын атын өзгөртүү маселесин көтөрүп чыккан.
Курултай 24-ноябрда өтөт. Анда өлкөдөгү саясий жана экономикалык абал, экс-президент Алмазбек Атамбаевдин алты жылдык жана Сооронбай Жээнбековдун бир жылдык ишмердиги талкууланат.