Кыргызстанда мамлекеттик клиникаларда жасалган 8 аборттун бирөөсү гана каттоого алынат. Бул тууралуу “Репродуктивдүү ден соолук боюнча альянс” жүргүзгөн изилдөөдө белгилүү болду.
Саламаттыкты сактоо министрлигинин башкы гинекологу Раиса Асылбашева билдиргендей, бойдон алдыруу боюнча маалыматтар так эмес. Буга эрте мөөнөттө жасалган аборттордун формалдык эмес төлөмдөрү жана туура эмес жүргүзүлгөн каттоо себеп болууда.
Бир жылда орто эсеп менен өлкөдө 157 миң аял төрөйт. Бойдон алдыргандардын басымдуу бөлүгү 25 жаштан 29 жашка чейинки кыз-келиндер.