Бишкек шаарында “Эне тил жана Айтматов” үч айлыгы ѳтүп жатат. Бул тууралуу мэриянын маалымат кызматы билдирди.
Мэриянын билим берүү башкармалыгы 12-сентябрдан 12-декабрга чейин “Тил жана Айтматов” үч айлыгын жарыялаган.
Анын алкагында 15-ноябрда Октябрь районунун № 88 орто мектебинде “Жаш артист” шаардык кароо-сынагы өткөрүлдү. Сынакта катышуучулар жазуучу Чыңгыз Айтматовдун чыгармаларынан үзүндү аткарышты.
Кароо-сынакка мектепке чейинки жана жалпы билим берүү уюмдарынын балдары катышышты. Жеңүүчүлөр аныкталды, алар Ардак грамота, баалуу жана кызыктыруучу белектер менен сыйланат.
Ал эми сыйлык тапшыруу аземи 5-декабрда Кыргыз-Түрк “Манас” университетининде өтөт. Анда «Эне тил жана Айтматов» үч айлыгынын да жыйынтыгы чыгарылат.