Бишкекте 19-22-ноябрь аралыгында адал өндүрүшүн өнүктүрүү боюнча эл аралык иш-чара өтөт. Бул тууралуу экономика министрлигинен кабарлашты.
Ага ылайык, алгачкы күнү конференция орун алып, калгын эки күндө адал стандарты боюнча окутуулар жүргүзүлмөкчү.
Иш-чарага Ислам өлкөлөрүнүн метрология жана стандартташтыруу институту жана Түрк стандарттарынын институтунан эксперттер чакырылган. Ошондой эле Казакстан, Өзбекстан жана Тажикстандан консалтинг компанияларынын, жергиликтүү бизнес-ассоциацияларынын, муфтияттын жана коомдук уюмдардын өкүлдөрүнүн келүүсү күтүлүүдө.
Кошумчалай кетсек, Кыргызстан Ислам өлкөлөрүнүн метрология жана стандартташтыруу институнуна 2015-жылы мүчө болгон.