Келечекте билим берүү тармагын көтөрбөсөк, эч өнүкпөйбүз. 10-12 миң сом алган мугалимдерден билим сапатын талап кыла албайбыз. Мындай пикирин депутат Абдувахаб Нурбаев бүгүн, 12-ноябрда комитеттик жыйында билдирди.
Анын айтымында, 2019-жылы мугалимдердин айлыгын сөзсүз көтөрүү керек. Чүй районундагы акча чогултуу фактыларын, райондук билим берүү, шаардык билим берүү бөлүмдөрүн жоюу зарыл.
Ошондой эле мугалимдердин ой-пикирлерин укпай туруп, ар кандай уюшуп алган топтор окуу китептерин чыгарып жаткандыгын кошумчалады.
Ага премьер-министр Мухаммедкалый Абылгазиев өкмөт акча чогултуу дегенди токтотуп, 2019-жылы мугалимдердин айлыгын көтөрүүнүн үстүндө иш алып бара тургандыгын билдирди.