Бишкек шаарында белгисиз бирөөлөр режиссёр Болот Шамшиевдин унаасын уурдап, өрттөп жиберишкен. Бул тууралуу шаардык ички иштер башкы башкармалыгынын маалымат кызматы билдирди.
Бул иш боюнча Шамшиев 10-ноябрь күнү арыз менен кайрылган. Ал унаасы Свердлов районунда уурдалганын айткан. Өрттөлгөн унаа Чүй облусунун Милянфан айылында табылган.
Бул факты боюнча кылмыш иши козголду. Учурда иликтөө иштери жүрүп жатат.