Нарын облусунда жылдын башынан бери 91 карышкыр жана 27 чөө атылды. Бул тууралуу Жаратылыш ресурстарын коргоо жана колдонуу департаменти билдирди.
2017-жылдын 29-ноябрындагы “Облустагы селсаяк иттердин, карышкырлардын, чөөлөрдүн санын кыскартуу” буйругунун негизинде аларды атуу башталган.
Жергиликтүү тургундардан 15 топ түзүлүп, алар быйыл 88 карышкыр, 27 чөонү атышкан. Ал эми соңку аптада Кара-Кужур өрөөнүндө, Ат-Башы районунда 3 карышкыр жок кылынган.
Ал өлтүрүлгөн карышкырлар атайын райондук комиссиянын көзөмөлүнөн өтөт. Өкмөттүн токтомуна ылайык, ар бир өлтүрүлгөн карышкырга 6 миң сом өлчөмүндөгү каражат берилет.