Кыргызстандын ЕАЭБ өлкөлөрүнө экспорту 387,5 млн долларды түзүп, 5,1 пайызга өстү. Бул тууралуу экономика министри Олег Панкратов өкмөттүн жыйынында билдирди.
Анын айтымында, 2018-жылдын январь-август айларында экспортто жакшы натыйжалар көрсөтүлгөн. Ал эми өлкөнүн жалпы экспорту 1 млрд 37,5 млн сомду түзгөн. Бул өткөн жылкыга салыштырмалуу 4,9%га аз болгон.
Ошондой эле ЕАЭБ рыногунда атаандаштыкка туруштук берип, экспорттун географиялык диверсификациясына умтулуу зарылдыгын баса белгиледи.