Бишкек-Ош жолундагы Төө-Ашуу ашуусунда оор жүк ташуучу унааларга чектөө киргизилди. Бул тууралуу Транспорт жана жолдор министрлигинин басма сөз кызматы билдирди.
Ал эми жеңил унаалар үчүн жол ачык. Көк-Бел, Ала-Бел, Төө-Ашуу ашууларында жана Суусамыр өрөөнүндө кардын калыңдыгы 5-10 см болууда.
Төө-Ашууда жолду тазалоо кызматтары иштеп, туз, кум өз маалында чачылууда.
Андан тышкары Көлбаев атындагы тоннель желдетүү системаларындагы профилактикалык иштерге байланыштуу 26-октябрдан 4-ноябрга чейин маал-маалы менен жабылып кайра ачылууда.