Өткөн апта ичинде Чүй облусу боюнча 38 айдоочу мас абалында унаа башкарган. Бул тууралуу Чүй облустук жол кыймылынын коопсуздугун камсыз кылуу башкармалыгы кабарлайт.
Жалпысынан облус боюнча 4 миңден ашык жол эрежесин бузуу фактысы катталган. Анын ичинде 74 жаран документи жок унаа башкарган. 1 миңдейи жогорку ылдамдыкта айдаган, 8 айдоочу караңгылатылган терезе менен жүргөн. 100гө жакын унаа атайын унаа токтотуучу жайга киргизилди.