Кара-Сууда 26 жаштагы айдоочу 6 жаштагы баланы сүзүп алды. Бул маалыматты Ош облусунун Жол кыймылынын коопсуздугун камсыздоо башкармалыгынын басма сөз кызматы бүгүн, 27-октябрда тастыктады.
Маалыматка ылайык, 25-октябрь күнү саат 17:00дөр чамасында Садырбай айылында Ош тарапка бараткан 1992-жылы туулган жаран унаасын башкара албай 6 жаштагы баланы сүзүп кеткен.
Жабыр тарткан бала Ош облустук клиникалык оорукансына жеткирилген. Учурда тиешелүү экспертизалар дайындалып, иликтөө жүрүп жатат.