Нью-Йорк шаарында биринчи жолу жасалма интеллект тарткан сүрөт аукционго коюлуп, 432 миң долларга сатылды. Бул тууралуу Би-Би-Си жазды.
“Эдмонд Бедаманын портрети” деп аталган сүрөт париждик Obvious коллективи тарабынан көзөмөлдөнүп, компьютер XIV_XX кылымдардагы картиналарга салыштырып тарткан. Уюштуруучулар бул жакынкы келечекте жасалма интеллект искусство жаатында чыгармалардын базарына чоң таасирин тийгизерин айтышууда.
Аукционго коюлган сүрөттүн баштапкы наркы 7-10 миң доллар болсо, сатылган баасы 432 миң долларды чапчыды.