Экс-президент Алмазбек Атамбаевдин кеңешчиси Икрамжан Илмияновдун колдоочулары анын баш коргоо чарасын өзгөртүүнү талап кылып чыгышты.
Митингге Баткендин Катраң, Баул, Өзгөрүш айылдарынын тургундары чыккан, алар Илмияновго карата ачылган кылмыш ишинин калыс иликтенишин, анын үй камагына чыгарылышын суранышууда.
Эске салсак, 20-октябрда Бишкектин Биринчи май райондук соту Илмияновду 28-ноябрга чейин УКМКнын убактылуу кармоочу жайына камоо чечимин чыгарган. Ал Кылмыш жаза кодексинин 166-беренеси (алдамчылык) боюнча айыпталууда.