Казакстандык жаран «Акжол — автодорожный» көзөмөл өткөрүү пунктунан 35 миң 440 куту тамекини аткезчилик жол менен алып өтүүгө аракет кылган. Мамлекеттик чек ара кызматынан билдиришкендей, текшерүү маалында товардын тийиштүү документтери жок болуп чыккан.
Айдоочу Бишкек-Павлодар багыты менен бара жаткан. Ал товардын ээсинин ким болгонунан кабары жок экенин айткан.
Тийиштүү документтер толтурулган соң жүк жана кармалган жаран Экономикалык кылмыштуулукка каршы күрөшүү кызматына өткөрүлүп берилди.