Кыргызстандын ГЭС курууга өзүнүн мүмкүнчүлүгү бар. Мындый пикирин КРнын Эмгек сиңирген энергетиги Мырзатай Султаналиев “Марал” радиосуна берген маегинде билдирди.
Анын айтымында, эгер өкмөт жергиликтүү инвесторлорго шарт түзүп берсе, 4 эмес бир нече ГЭСтерди курууга болот. Ага потенциал бар.
«Эгер каражат бар болсо, бир ГЭСти 3 жылда курса болот. Инвестордун келиши электр энергиянын тарифине да байланыштуу. Анткени ар бир инвестор каражатын кайтарып алышы керек. Бирок биздеги негизги маселе инвесторлор жакшы тандалбай жатат», — дейт Султаналиев.