Бишкек шаарындагы Шабдан баатыр көчөсүндө жеңил автоунаа жөө жүргүнчүлөр өтүүчү жолдон өтүп бараткан кызды сүздү. Бул тууралуу Бишкек шаардык Жол кыймылынын коопсуздугу боюнча башкармалыгынан билдиришти.
Маалым болгондой, кырсык саат 9:30 чамасында орун алды. Жабырлануучу кыз ооруканага жеткирилди. Аны сүзгөн Хонда Цивик унаасынын айдоочусу 40 жаштагы жаран экени аныкталды. Унаа айып аянтчага киргизилди, учурда тергөө иштери жүрүүдө.