Жарандык авиация агенттигинин укуктук колдоо жана жарандык авиация ишмердүүлүгүн өнүктүрүү бөлүмүнүн башчысы Алымбай Абакиров президенттин учагын бюджеттин эсебинен сатып алуу же белекке алуу жолу менен жаңыласа болот деп эсептейт.
Бул тууралуу ал бүгүн, 19-октябрда тегерек столдо билдирди. Анын айтымында, учурда жаңы учак алунун эки гана жолу бар, биринчиси, мамлекет өзү бюджеттен акча бөлүп сатып алыш керек. Экинчиден, Орусия президенти Владимир Путиндин белек кылышынан үмүт артуу жолу бар. Анткени азыркы учакты бир топ жыл мурда Путин белек кылган.
Маалыматтар боюнча, азыркы тапта Boeing жана Airbus маркасындагы бир гана учактын баасы 100 млн долларды түзөт.