Үстүбүздөгү жылдын 9 айында “Түндүк электр” бөлүштүрүүчү компаниясы тарабынан 5 млрд 825 млн сом чогултулду. Бул тууралуу мекеменин маалымат кызматы билдирет.
9 айда 4 млрд 216 млн кВтсаат электр энергия келип түштү, бул 2017-жылдын ушул эле мезгилине салыштырмалуу 131 млн кВтсаатка көбүрөөк.
Бөлүштүрүүчү компаниянын өткөн мезгилге болгон товардык продукциясы 5 млрд 465 млн сомду түзгөн.
Төлөм чогултуу калк арасында 114,8 пайыз;
бюджеттик уюмдар – 100,5 пайыз;
башка керектөөчүлөр – 99,9 пайыз;
айыл-чарба керектөөчүлөрү — 99,6 пайыз;
жана өндүрүштүк объектилер тарабынан – 99,1 пайыз аткарылды.