Ошто пара алгандыгы үчүн аскердик комиссариаттын кызматкери кармалды. Бул туурасында ИИМ басма сөз кызматынан билдиришти.
Маалыматка ылайык, Криминалдык милициянын түштүк аймактык башкармалыгына Кара-Суу районунун тургуну кайрылган. Арыз ээси аскердик комиссариаттын кызматкери баласына аскердик билет жазып берүү үчүн 24 миң сом сураганын айткан. Анын 19 миңин арых ээси төлөгөн. Бирок кызматкер агаг дагы 5 миң сом алып келүүсүн айткан. Калган сумманы берип жаткан учурда кызматкер кармалган.
Буга байланыштуу Ош шаардык прокуратура кылмыш ишин козгоду.