Бишкек шаарында мыйзамсыз орнотулган объектилерди түрттүрүү иштери улантылууда. Бул тууралуу мэриянын басма сөз кызматынан билдиришти.
Маалыматка ылайык, жолдорду кеңейтүү жана реконструкциялоо боюнча «Бишкек шаарынын көчө-жол тармагын ѳнүктүрүү» долбоорун ишке ашыруунун алкагында мыйзамсыз курулган объектилерди түрттүрүү иштери жүрүп жатат. Анын алкагында Медеров-Токтоналиев кѳчѳлѳрүндѳгү капиталдык курулуш жана жолдун курулушуна тоскоол болгон Оренбург кѳчѳсүндөгү №57 дарегиндеги чарба курулушу түрттүрүлдү.
Ошондой эле Тоголок Молдо кѳчѳсүндөгү №194 турак үйүнүн маңдайына ѳз билемдик менен уруксат документи жое курулган дүкѳн түрттүрүлдү.