Бүгүн, 9-октябрда президент Сооронбай Жээнбеков Талас облусуна иш сапары менен барды. Бул тууралуу өлкө башчынын маалымат кызматы кабарлады.
Жээнбеков иш сапарынын алкагында аталган облустун Талас, Бакай-Ата, Кара-Буура жана Манас райондорунда болот. Ошондой эле төө буурчакты кайра иштетүү заводунун жана айыл жеринде жаңы мектептин ачылыштарына катышат.
Андан тышкары айыл чарба кооперативдеринин жана Казакстан менен чек арадагы «Чоң- Капка-автодорожный» көзөмөл өткөрүү пунктунун иштери менен таанышат.