Испаниянын Барселона шаарында дүйнөлүк атакка ээ болгон опера ырчысы Монсеррат Кабалье 85 жашында каза болду. Бул тууралуу бир катар дүйнөлүк басылмалар жазып чыгышты.
Маалым болгондой, ырчы Сан-Пау ооруканасында каза болгон. Кабалье 8-октябрда жерге берилет.
Сентябрдын аягында ырчы ооруканага жатканы кабарланган болчу.
Белгилей кетсек, Монсеррат Кабалье 1933-жылы Барселонада жарыкка келген. Ал Кабалье Россини, Беллини жана Доницеттинин классикалык операларында роль аткарып жана созолонто ырдаганы менен белгилүү болгон.