Ысык-Көл облусунун Каракол шаарынын мэрин шайлоо 12-октябрга белгиленди. Бул тууралуу Каракол шаардык кеңешинен билдиришти.
4-октябрда шаар мэрлигине талапкердин тийиштүү документтерин кабыл алуунун мөөнөтү аяктады.
Эске салсак, Каракол шаарынын мэри Данияр Арпачиев 19-сентябрда кызматтан алынды. Тийиштүү буйрукка премьер министр Мухаммедкалый Абылгазиев кол койгон.
Арпачиев бул кызматка 2016-жылы май айында шайланган.