“Жалалабатэлектр” ачык акционердик коому “Үч-Терек-Өзгөрүш” аба чубалгысын алмаштырып жатат. Бул тууралуу ишкананын маалымат кызматы кабарлады.
22 чакырымды түзгөн “Үч-Терек-Өзгөрүш” аба чубалгысы жогорку өткөрүмдүүлүктөгү аба чубалгыга алмаштырылууда. Себеби ал 1969-жылы курулгандыктан эскилиги жетип, күз-кыш айларында авариялык абалды жаратып келген.
Аба чубалгы Жалал-Абаддын Үч-Терек, Кызыл-Ураан, Жетиген, Өзгөрүш айылдарын аралап өтөт, аталган айылдарда 4 миңдей абонент бар.