Өкмөттүн иши көзгө көрүнбөгөн жумуш. Мындай пикирин Жогорку Кеңештин V чакырылышынын депутаты Камила Талиева «Марал» радиосуна берген маегинде билдирди.
Анын айтымында, башталган реформаларды аягына чыгаруу үчүн убакыт керек.
«Мен вице-премьер-министр болуп турганда реформа жасоого бир топ аракет кылдык. Бирок убакыт аз болуп калды. Буга кошумча, ошол учурда күн сайын митинг болуп турган. Ошондуктан өкмөттү кеминде 5 жыл иштетиш керек», — дейт Талиева.
Ал буга кошумча, эффективдүү иштеш үчүн өкмөт менен Жогорку Кеңештин ортосундагы байланышты тизгиндеген рычаг, критерийлер керектигин белгиледи.
Кошумчалай кетсек, Талиева вице-премьер-министр болуп 2012-2014-жылдары иштеген.