Бишкекте шаарга келген туристтерге жардам берген кызмат түзүлөт. Бул боюнча Ички иштер министри Кашкар Жунушалиев «Марал» радиосуна берген маегинде билдирди.
Анын айтымында, калаанын саякатчыларына 30 эркек жана 30 айым милиция кызмат кылат.
«Чет тилдерди эркин билген кызматкерлерди карап жатабыз. Атайын критерийлер менен 60 адамды тандап алган соң аларды окутабыз. Жаңы түзүлгөн кызмат үчүн бюджеттен кошумча каражат алган жокпуз», — дейт Жунушалиев.