Кыргызстандык шахматчы Селим Атамбаев Бириккен Араб Эмирлигинде өткөн эл аралык мелдеште алтын медаль тагынды. Бул тууралуу шахмат федерациясынан билдиришти.
Маалыматка ылайык, мелдеш 8-14-август күндөрү Абу-Даби шаарында өткөрүлгөн. Ага Кыргызстандан 9 жаштагы Селим Атамбаев катышкан. Ал 10 жашка чейинки спортчулар арасындагы мелдеште күч сынашып, 9 оюндун жүрүшүндө 5 жолу жеңишке жетип, 2 жолу атаандашы менен тең чыккан. Натыйжада ал 6 упайга ээ болуп, алтын медалга жана 500 доллар акчалай сыйлыкка ээ болгон.
Белгилей кетсек, Селим мурунку президент Алмазбек Атамбаевдин небереси.