Коменданттык саат: Тартип бузгандар көбүнчө Бишкекте катталат

Адатта коменданттык сааттын эрежеси боюнча Бишкек, Нарын, Ош жана Жалал-Абад шаарлары, Ноокат, Кара-Суу, Сузак жана Ат-Башы райондорунда кечки 21.00дөн эртең мененки саат 6.00гө чейин көчөдө жүрүүгө тыюу салынат.

Белгилей кетсек, Нарын жергесине коменданттык саат 15-апрелден тарта кирди. Өзгөчө абал режими буга чейин иштеп келген аймактарда апрелдин 30уна чейин узартылган.

Коменданттык сааттын талаптарын бузгандар төмөнкү жерлерде катталды:

• Бишкек шаарында — 66;
• Жалал-Абад шаарында — 4;
• Ош шаарында — 3;
• Сузак районунда — 2;
• Ноокат району — 1;
• Нарын шаары — 4;
• Ат-Башы районуну — 1.

Ал эми Кара-Суу районунда тартип бузуулар катталган жок.

Жалпысынан Кыргызстанга өзгөчө абал киргизилгенден, тагыраагы, 25-марттан тарта коменданттык саат эрежесин бузган 2970 адам кармалды.