Казакстанда 15 бейтап коронавирустан айыгып, үйлөрүнө чыгарылды

Казастанда коронавирус менен катталып ооруканада эмделип жаткан 15 адам толугу менен айыгып, ооруканадан чыгарылды. Бул тууралуу өлкөнүн саламаттыкты сактоо министрлигинен кабарлады.

Маалыматка караганда, айыккандардын 13ү Нур-Султанда, экөөсү Алматыда.

Бүгүнкү күндө Казакстанда жалпы 204 адам COVID-19 вирусу менен катталган. Буга чейин 1 адам коронавирустан каза болгон.

Кошумчалай кетсек, кошуна өлкөдө коронавирус боюнча алгачкы жагдай 13-мартта катталган. 16-марттан тарта өзгөчө кырдаал жарыяланып, анын 15-апрелге чейин созулары айтылган.

30-марттан тарта Нур-Султан жана Алматы шаарларында автобус каттамдары токтотулмакчы.