Коронавирус: депутат Зиядин Жамалдинов обсервацияга алынган

Жогорку Кеңештин депутаты Зиядин Жамалдинов да карантиндик обсервацияга алынган. Бул тууралуу аны карап жаткан дарыгерлер видео түрүндө кайрылуу кылып маалымдашты. Алардын айтымында, эл өкүлү 20-март күнү Кыргызстанга учуп келген. Учурда Бишкек шаарындагы “Ак кеме” мейманканасында обсервациядан өтүүдө.

Эскерте кетсек, буга чейин Зиядин Жамалдинов чет өлкөдөн келгенден кийин эч кандай карантинге алынбай, өз үйүнө кеткендиги жөнүндө маалымат тараган болчу.