Шашылыш кабар:

Хорваттар испаниялыктарга жеңилди

Сентябрь 12th, 2018 | by Түмөнбай Абдинаби уулу
Хорваттар испаниялыктарга жеңилди
Спорт
0

Футбол боюнча дүйнөнүн вице-чемпиону Хорватия Испания курама командасына 6:0 эсебинде утулуп калды. Жайында Орусияда өткөн дүйнө биринчилигинде күтүүсүз триумф жараткан хорваттар Европа элдеринин Лигасында эң мыкты 12 кураманын ичине кирип, “А” тайпасында күч сынашууда. Беттеште жеңишке жетишкен испан курамасынын жаш оюнчусу Асенсио футбол күйөрмандарынын көңүлүн өзгөчө буруп, жылдызга айланды. Ал оюнда 59 жолу топту таамай өткөрүп берип, бир голду өзү киргизип, 3 голго түз катышты. Бул акыркы он жылдагы Испания футболундагы эң көп катышуу болуп калды.

Кошумчалай кетсек, Европа Элдеринин Лигасы УЕФАнын 2014-жылы кабыл алынган чечими менен 2018-жылдын сентябрь айында башталды. Финалдык беттеш 2019-жылдын июнь айына белгиленген. Чемпионат эки жылда бир жолу өтүп, Европанын мыкты курамаларын аныктамакчы.

Comments are closed.

Марал Радиосу cможет принять любую посещаемость благодаря кешированию WP Super Cache