Шашылыш кабар:

УКМК: Дастан ишканасынын жетекчиси кармалды

Июль 12th, 2018 | by Талгат Мураталиев
УКМК: Дастан ишканасынын жетекчиси кармалды
Кыска кабар
0

11-июлда УКМК кызматкерлери «Дастан» ишканасынын жетекчиси Юрий Васильевди кармашты. Васильевге буга чейин «Солнечный берег» пансионатын мыйзамсыз жол менен өздөштүрүп алганына байланыштуу кылмыш иши козголгон. Бул тууралуу Улуттук коопсуздук мамлекеттик комитетинен кабарлашты.

Маалыматка ылайык, «ТНК Дастан» ишканасы «Солнечный берег» пансионатынын 100% акциясына ээлик кылган. Көл жээгиндеги 11,7 гектар жерде жайгашкан пансионат аталган ишканага 24 млн 504 миң 923 сом карыз болгондуктан өткөрүлгөн.

Бирок 2013-жылдын 15-февралында жетекчи пансионатты арзан баалап 47 млн 750 миң сомго Э.А аттуу жаранга сатып жиберген.

Эсеп палатасынын текшерүүсүнөн кийин ушул жылдын 10-июлунда пансионат 128 млн 379 500 сомго бааланганы аныкталды. Муну менен катар ишенип тапшырылган мүлктүн активдери, тагыраагы, 24 млн 504 миң 923 сом коротулган.

Учурда Юрий Васильев УКМКнын тергөө абагына камалды. Иликтөө иштери улантылууда.

Comments are closed.

Марал Радиосу cможет принять любую посещаемость благодаря кешированию WP Super Cache