Шашылыш кабар:

Эрдоган Түркияга жаңы доорду убада кылды

Июль 10th, 2018 | by Талгат Мураталиев
Эрдоган Түркияга жаңы доорду убада кылды
Дүйнө кабарлары
0

Түркияда кайрадан шайланган президент Режеп Тайип Эрдоган 9-июлда Анкарада ант берип, президенттик кызматтагы экинчи мөөнөтүнө расмий түрдө киришти.

Ант берүү аземинен кийин Эрдоган Мустафа Кемалдын кабырына барып, өлкөнү азыркы жол менен өнүктүрүүнү уланта турганын айтты.

“Биз Түркияны бардык тармакта бекемдейбиз, анын ичинде коргонуу жана чек ара коопсуздугу маанилүү орунда. Макроэкономикалык көрсөткүчтөр бизди дүйнөдөгү экономикасы чоң он өлкөнүн катарына кошмойунча, бардык тармакка ири инвестицияларды салабыз”,— деди Эрдоган.

Ал өз сөзүндө түркиялыктарга “жаңы доорду” убада кылды.

Белгилей кетсек, Түркиянын Конституциясына былтыркы референдумда киргизилген өзгөртүүгө ылайык, Эрдогандын экинчи мөөнөткө киришүүсү менен аткаруу бийлиги да президенттин колуна өттү. Парламенттин ыйгарым укуктары мурдагыдан азайды.

Түркияда 24-июнда өткөн мөөнөтсүз шайлоодо Эрдоган 52,59% добуш менен жеңишке жетишти.

Comments are closed.

Марал Радиосу cможет принять любую посещаемость благодаря кешированию WP Super Cache