Шашылыш кабар:

Президент алтын сертификат ээлерин куттуктады

Июль 3rd, 2018 | by Бурулай Шергазиева
Президент алтын сертификат ээлерин куттуктады
Билим жана Маданият
0

Бүгүн, 3-июлда мамлекеттик Ала-Арча резиденциясында ЖРТда  эң алдынкы баллга ээ болгон мыкты бүтүрүүчүлөргө президент алтын сертификаттарды, белектерди тапшырды. Ага жалпысынан  66 мектеп бүтүрүүчүсү катышты. Билим берүү жана илими министри Гулмира Кудайбердиеванын айтымында жылдагыдан өзгөчөлөнүп бул жылы алдынкы орундарга аймактарда билим алган бүтүрүүчүлөр да кирген.


Мектепти жаңы эле аяктап, чоң чечимдин алдында турган Айлин Албанованын кубанычында чек жок. Анткени бүгүн ал 45 миңден ашык бүтүрүүчүнүн ичинен эн башкы сапка илинди.

Чындыгында эң жогорку балл алам деп ойлогон эмесмин. Биринчи укканда шок болдум. Бирок кубанычтамын. Бул сынактын ийгилиги сенин 11 жылдык алган билимине байланыштуу деп ойлойм. Ошондуктан жакшы окусаң, жыйынтыгын көрөсүң. Ата-энем мени Кыргызстанда эле каласың дегендиктен макул болгонмун.

Ал эми мурдагы депутат Өмүрбек Бабановдун уулу Нурэмир Бабанов 14-орунга 224 балл менен жеткен. Экс депутаттын уулу келечекте механик болгусу келет. Мен үчүн ЖРТ жыйынтыгы чоң рол ойнобосо да, андан жакшы балл алуу мектеп жетекчилигинин мага болгон ишеничи болчу дейт.

Мен үчүн ЖРТнын жыйынтыгы өтө маанилүү эмес болчу. Бирок ошентсе да мектеп жетекчилиги мектептин намысы үчүн мага ишенип тургандыктан, аны акташ керек болчу. Бул тестке өзгөчө даярдануунун кереги жок. Болгону 11 жылдык билимдин жыйынтыгы. Мен келечекте механик болгум келет. Ал үчүн чет өлкөдө окусам дейм. Бирок албетте өзү алдымча болуп калгандан кийин өлкөмө кызмат кылуу үчүн кайра келем.

Мурдагыга салыштырмалуу бул жолкусунда аймактарда билим алган бүтүрүүчүлөр да эң алдынкы саптардан орун алган. Мисалы, Ат-Башы районуна караштуу Керималиев атындагы орто мектептин бүтүрүүчүсү Айназик Коногалиева 220 упай менен алдынкы 50 бүтүрүүчүнүн сабына кошулду. Келечектин кесиптери өзгөруп жатат деген Айназик программист болгусу келет.

Азыркы ыучурда көптөгөн кесиптер жоголуп жатат. Ал эми IT тармагы замандын талабы деп билем. Ошондуктан, ушул кесипти тандоону туура көрдүм.

Маалыматка ылайык, бул жылы 45миң 607  окуучу катышкан. Анын  57%ы же 26 180 окуучу 110 упайдан жогору балл алган. Билим берүү жана илим министри Гульмира Кудайбердиеванын айтымында жылдан жылга орто баллдын көрсөткүчү өсүүдө. Маселен, өткөн жылы орточо балл 114 болсо, быйыл 119ду көрсөткөн.

Орточо балл жогорулады. Ошондой эле аймактардан алдынкы тизмеге кошулгандардын саны көбөйүүдө. Ар бир облустан 3-4 бала келген.

Мыкты деп аталган бүтүрүүчүлөргө президент Сооронбай Жээнбеков өз колу мене сертификаттарын тапшырып, келечек ээлерине ыраазычылыгын билдирди. Бүтүрүүчүлөрдү куттуктап жатып алардын жетишкендиктери билим берүүнүн сапатын аныктаганын айтты.

Азыркы күндө дүйнө жүзү өнүгүп жатканда биз билим менен гана атаандаштыкка чыга алабыз. Биздин байлыгыбыз бул- билимдүү жаштар. Азыр дүйнөнүн эшигин билим менен гана ачса болот. Мен Кыргызстандын келечегин сапаттуу билим жана силердей жаштардан көрө алам

Белгилей кетсек, жалпы республикалык тестирлөөдөн 26 миң 180 окуучу жетиштүү упай алган. Анын ичинен 59 бүтүрүүчү алтын сертификатка ээ болду. Ошондой эле, аймактарда эң жогорку көрсөткүчкө жеткен 7 бүтүрүүчү да сыйланды.

Comments are closed.

Марал Радиосу cможет принять любую посещаемость благодаря кешированию WP Super Cache