Шашылыш кабар:

Өлкөгө Кытайдан тыюу салынган эттер кирүүдө

Июнь 28th, 2018 | by Анара Бакытбекова
Өлкөгө Кытайдан тыюу салынган эттер кирүүдө
Экономика
0

Кыргызстанда кафе, ресторандарга Кытайдан алып келүүгө тыюу салынган эттер сатылууда. Бул тууралуу парламенттен жалпы жыйынында да көтөрүлдү. Өкмөт болсо тыюу салынган канаттуулар эти өткөрүлбөй жатканын айтып, бирок аткезчилик жол менен ташуу болуп жатканын билдирди. Мындан улам Бишкектеги айрым кафе, ресторандар тоок этин кайдан сатып алаарына кызыктык.


Борбор калаадагы белгилүү кафелердин бирин иштеткен Шахида Ганиева Кытайдан киригизилген эттерди сатып албай турганын билдирди.

Ал кафесине 3 жылдан бери жергиликтүү ишкерлер өндүргөн тоок этин сатып алып, туруктуу кардар экенин айтат. Ошол эле учурда адал деген талаптарга жооп бере турганын кошумчалады.

-Бишкекте Аламүдүн базарында кыргыз ишкер бар. Ал үйүндө тоокту багып, кардарларына таркатат. Адал стандарттарына жооп берет деген сертификаты да бар. Баасы кымбат, бирок ишеничтүү. Мен өзүмдүн кардарларымдын ишеничтүү, адал эт жегенине жооп береримди билемин.

Ал эми Бишкетеги чоң ресторандардын биринин ээси Саламат Кадыралиев мамлекет белгилеген адал деген стандарттарга жооп берген эттерди гана сатып алаарын билдирди.

Анын айтымында, адал стандартка жооп берет деген атайын касапканалар тизмеге  киргизилген. Бир гана ошолордун эти ресторанда колдонулат.

Биз Кытайдан келген эттин арзанына кызыгып, сатып албайбыз. Адал деген сөздүн маанисин жакшы түшүнгөн адам катары Кытайдын тоок этине күмөнүм бар. Ал адал экенине көзүм жетпейт. Ошондуктан этти адал жол менен багып, сойгон атайын касапканалар менен иштешип атамын.

Деген менен Бишкекте жана өлкөнүн башка аймактарында Кытайдан алып кирүүгө тыюу салынган канаттуулардын эти сатылууда. Бул тууралуу Жогорку Кеңештин жалпы жыйынында депутат Улугбек Ормонов айтып чыкты.

Анын айтымында, Тажикстанда Кытайдын тоок этин Кыргызстан аркылуу ташууга уруксат бар. Бирок эт коңшу өлкөгө өтпөстөн эле Кыргызстанда калып калууда. Муну өкмөткө караштуу ветеринардык жана фитосанитардык коопсуздук боюнча мамлекеттик инспекция көзөмөлдөй албай жатат.

Азыр кафе, ресторандарга кирип тамактансаң, эттердин баары Кытайдыкы. Булар кантип өлкөгө киригизилүүдө? Аны тиешелүү инспекция карабай жатат. Тажикстан Кытайдан канаттуулардын этин Кыргызстандан транзит катар алып өтөт. Андан бизге салык түшөт. Бирок эт Тажикстанга кетпестен биздин өлкөдө калып, сатылууда. Мындан салык түшпөйт.

Анткени 2017-жылдан баштап Кыргызстан Кытайдан эт импорттоп келүүгө чектөө киргизген. Себеби Кытайдан келе турган эт азыктары Евразия экономикалык биримдигинин стандарттарына туура келбей турганы аныкталган. Ал эми Тажикстанга Кыргызстан аркылуу Кытайдан эт алып өтүүгө уруксат берилген. Мында Кыргызстанга транзит катары салык төлөнөт.

Ал эми өкмөткө караштуу Ветеринардык жана фитосанитардык коопсуздук боюнча мамлекеттик инспекциянын өкүлү Манас Майканов тыюу салынгандан бери Кытайдан бир кг тоок эти кирген жок деп билдирди. Бирок аткезчилик жол менен тоок эти кирүүсү мүмкүн.

Азыр бизге Кытайдан тоок эти кирген жок. Ал эми депутаттын айткандарын билбейт экенмин. Тоок эти ЕАЭБ мүчө өлкөлөрүнөн эле импорттолот.

Расмий маалыматка ылайык, Кыргызстанга бир жылда орто эсеп менен алганда 87 миң тонна тоок эти жана 56 миллионго жакын жумуртка импорттолот. Жергиликтүү өндүрүшчүлөр болсо сырттан продукциянын импорттолуусу аларга кыйынчылыктарды жаратып жаткандыгын айтат.

Comments are closed.

Марал Радиосу cможет принять любую посещаемость благодаря кешированию WP Super Cache