Шашылыш кабар:

Неймар футбол талаасына кайтып келди

Июнь 4th, 2018 | by Талгат Мураталиев
Неймар футбол талаасына кайтып келди
Кыска кабар
0

Бразилия улуттук курамасынын капитаны Неймар Жуниор февраль айында алган жаракатынан кийин алгачкы жолу беттешке чыкты. Бразилия менен Хорватия курамаларынын достук беттешинин экинчи бөлүгүндө Неймар алмашууга чыгып дароо гол киргизди. Бул тууралуу Вести.ру сайты жазып чыкты.

Маалыматка ылайык, курамалар беттештин биринчи бөлүгүндө бири-бирине гол киргизе алган эмес. Беттештин экинчи жарымында алмашууга чыккан Неймар 69-мүнөттө айып аянтчасынан чыгарылган топту дарбазанын жакынкы тогуздугуна киргизген. Бул Неймардын жаракат алгандан кийинки алгачкы голу болуп калды. Беттештеги соңку голду Бразилия курамасынын чабуулчусу Роберто Фирмино 93-мүнөттө киргизди. Ошентип беттеш 2:0 эсебинде Бразилиянын жеңиши менен аяктады.

14-июнда баштала турган футбол боюнча Дүйнө биринчилигинин алдында Бразилия курамасы Австрия менен жолдоштук беттеш өткөрөт.

Comments are closed.

Марал Радиосу cможет принять любую посещаемость благодаря кешированию WP Super Cache