Шашылыш кабар:

Сооронкулова: Экс-президентке кол тийбестиктин кереги жок

Сооронкулова: Экс-президентке кол тийбестиктин кереги жок
Кыска кабар
0

Президент менен экс-президенттин кол тийбестигин бөлүп кароо зарыл. Мындай пикирин Конституциялык палатанын мурдагы судьясы Клара Сооронкулова «Марал» радиосуна берген маегинде билдирди.

Анын айтымында, башка өлкөнүн ажолорунда да кол тийбестик бар. Эл аралык стандартта президенттердин кол тийбестиги жеңилдик катары каралбайт. Кол тийбестик өлкө башчынын эркин иш алып баруусу үчүн тагыраак айтканда, адамдарга эмес, кызмат ордуна карап колдонулат.

«Ал эми экс-президент эч кандай мамлекеттик кызматта иштебегендигине байланыштуу ага кол тийбестиктин кереги жок. Өнүккөн өлкөлөрдө экс-президентке кол тийбестик каралган эмес. Мурдагы ажонун мамлекетке кошкон салымына жараша айрым жеңилдиктер каралган. ЖК кабыл алган чечимге ылайык, УКМК 2019-жылдан тарта экс-президентке кылмыш ишин козгой алат», — дейт Сооронкулова.

Ал белгилегендей, Конституцияга өзгөртүүлөр жана толуктоолор киргени менен экс-президенттин кол тийбестигин алуу боюнча өзгөртүү кирбей келет.

Эске салсак, 10-майда Жогорку Кеңеште Бишкек ЖЭБиндеги кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусу талкууланып жатканда коммиссиянын мүчөсү, депутат Исхак Масалиев ЖЭБди жаңылоодогу шектүү жагдайлар адилеттүү иликтениши үчүн экс-президент Алмазбек Атамбаевден кол тийбестикти алууну сунуштаган.

17-майда Жогорку Кеңеш экс-президенттин кол тийбестигин алуу боюнча сунушту колдоп берген.

Comments are closed.

Марал Радиосу cможет принять любую посещаемость благодаря кешированию WP Super Cache