Шашылыш кабар:

Жээнбеков: Уурулар жооп бериши керек

Май 16th, 2018 | by Талгат Мураталиев
Жээнбеков: Уурулар жооп бериши керек
Кыска кабар
0

Жантөрө Жолдошевич, Сапар Жумакадырович, бир жумушту баштагандан кийин эркекчилик кадамга барып, ишти тергөө органдарына өткөрүп берип жыйынтыкты күтүш керек. Ага болбой эле парламент күнөөлүү дагы башкалар күнөөлүү деш эркекчиликке жатпайт. Бул тууралуу бүгүн, 16-майда ЖЭБдеги кырдаал боюнча өтүп жаткан Жогорку Кеңештин жыйынында депутат Асылбек Жээнбеков билдирди.

Анын айтымында, Жогорку Кеңеш келишимдеги бир да тамганы алмаштыра албайт. Ошонун баарын билип туруп “Ооба, биз кылдык эле. Ким күнөөлүү болсо жазасын тартсын” дегендин ордуна силер өзүңөр баш болуп күнөөлүүлөрдү башка жактан издегиңер келип жатат. Бул туура эмес.

“Мен өзүм да таң калып атам. “Датка-Кемин” баштаган бир катар долбоорлорду кайра карап чыгуу керек деген күмөн туулуп жатат. Комиссиянын жыйынтыгын колдоп, тергөө органдарына беришибиз керек. Алар өзүлөрү аныктайт. Шек келтирип жаткандар – Жогорку Кеңеш эмес, комиссия эмес, ошол келишимди даярдап, бизге алып келген адамдар. Кимдин күнөөсү кандай экенин тергөө аныктасын, уурулар жооп берсин”,- деди Жээнбеков.

Белгилей кетсек, Жогорку Кеңеш бүгүнкү сессиясында ЖЭБдеги авариянын себебин жана аны модернизациялоого жумшалган 386 миллион доллар насыясынын чоо-жайын иликтеген депутаттык комиссиянын корутундусун талкуулады.

Comments are closed.

Марал Радиосу cможет принять любую посещаемость благодаря кешированию WP Super Cache