Шашылыш кабар:

ЖЭБдеги аварияга байланыштуу 4 кылмыш иши козголуп, 7 адам камакка алынды

Май 16th, 2018 | by Талгат Мураталиев
ЖЭБдеги аварияга байланыштуу 4 кылмыш иши козголуп, 7 адам камакка алынды
Кыска кабар
0

ЖЭБдеги авария боюнча 2 кылмыш иши, модернизациядагы коррупциялык белгилер боюнча 1 кылмыш иши, кышка даярдык көрүү үчүн жумшалган акчаны уурдоо боюнча 1 кылмыш иши козголду. Бул тууралуу бүгүн, 16-майда ЖЭБдеги кырдаал боюнча өтүп жаткан Жогорку Кеңештин жыйынында айтылды.

Жыйын учурунда депутат Айнура Осмонова Жылуулук электр борборундагы кырдаал боюнча укук коргоо органдары тарабынан кандай иштер жасалып жатканына кызыкты.

Депутаттын суроосуна атайын кызматтын башкы тергөө башкармалыгынын жетекчиси Самидин уулу Сагын жооп берди. Анын айтымында, учурда ЖЭБдеги кырдаалга байланыштуу 7 адам камакка алынды. Алардын ичинде 1 мамлекеттик кызматкер, 4 “Электр станциялары” ишканасынын жетекчилери, 2 жөнөкөй жаран бар.

Атайын кызматтын өкүлү ТВЕА компаниясы тергөө иштерине жардам берип жатканын, бирок келишимде көрсөтүлгөн жагдайларга таянуу менен айрым маалыматтарды бербей жатканын кошумчалады.

Comments are closed.

Марал Радиосу cможет принять любую посещаемость благодаря кешированию WP Super Cache