Шашылыш кабар:

Кызарт ашуусунда кичи автобус 17 жүргүнчүсү менен аварияга учурады

Май 16th, 2018 | by Талгат Мураталиев
Кызарт ашуусунда кичи автобус 17 жүргүнчүсү менен аварияга учурады
Кыска кабар
0

Нарын облусунун Жумгал районундагы Кызарт ашуусунда Мерседес-Бенц үлгүсүндөгү кичи автобус 17 жүргүнчүсү менен оодарылып, 7 адам жаракат алды. Бул тууралуу Нарын облустук жол кыймылынын коопсуздугун камсыздоо башкармалыгы кабар таркатты.

Маалыматка ылайык, унаа Жумгалдын Өрнөк айылынан Бишкекти көздөй келе жаткан. Анда 17 жүргүнчү болгон. Жол кырсыгы 15-май түнү саат 23:00 чамасында болгон. Анда кичи автобус жолдон чыгып кетип 20 метр аралыкка оодарылып барып сууга оң капталы менен туруп калган. Натыйжада 7 адам жаракат алган, алардын бири 5 жаштагы бала. 4 адам Жумгал аймактык ооруканасына, калган үчөө Бишкек шаардык №4-ооруканага жаткырылган.

Учурда окуя боюнча тиешелүү кызматкерлер иш алып барууда.

Comments are closed.

Марал Радиосу cможет принять любую посещаемость благодаря кешированию WP Super Cache