Шашылыш кабар:

Грузиянын реформасы тууралуу кыргызча китеп чыкты

Май 12th, 2018 | by Анара Бакытбекова
Грузиянын реформасы тууралуу кыргызча китеп чыкты
Билим жана Маданият
0

Бишкек  орусиялык экономист Лариса Буракованын «Грузия кантип реформа жасай алды» аттуу китебинин бет ачары болуп өттү.  Китеп кыргыз тилине BUGUPRESS маалымат агенттигинин жетекчиси Жаныбек Абидетегин тарабынан которулду. Жалпы эки миң нускада жарык көрдү.


“Грузия кантип реформа жасай алды” китебинде грузин саясатчы Михаил Саакашвилинин бийлиги тушунда жасалган реформалардын жасалуусу боюнча баяндалган. Тагыраагы, Грузияда 2003-жылдагы ыңкылаптан кийин жасалган чечкиндүү реформалар тууралуу сөз болот.

BUGUPRESS маалымат агенттигинин жетекчиси Жаныбек Абидетегин китеп канча убакта жана канча нускада чыгарылганына токтолду:

Бул китепти кыргыз тилине которууга Эмил Уметалиев, Руслан Акматбек жана Искендер Ормон уулу деген инсандар сунушун берген. Андан соң которууга киришип, Kyrgyz Concept компаниясы каржы жагын колдоду. Китеп жалпы эки миң нускада чыгарылды. Кеткен каражаттын жалпы суммасын билбеймин. Эгерде суроо-талап болсо дагы чыгарылат. Жалпы китепти которуп, басып чыгарууга бир жыл кетти. Аны бир айда деле чыгарса болмок, бирок жумуш жеңил болгону менен начар болуп калат.

Бул китептин бет ачарына Жогорку Кеңештин депутаты Жанар Акаев, Экономика министринин орун басары Элдар Абакиров жана журналисттер катышты.

Эл өкүлү Жанар Акаев Грузиядагы реформаны өз көзү менне көрүп келгенин айтып, аны кыргыз тилинде элге жеткирүүнү кубаттады.

Анын пикиринде, китеп карапайым элге түшүнүктүү жазылган. Кыргызстандын шартында Грузиядагы реформаны жасоо үчүн эл талап кылуусу зарыл.

-Эл талап кылуусу үчүн Грузияда реформа кандай жасалганын жеткирүү керек. Биз эки-үч телеканалды тиктеп олтуруп, реформа ушундай экен деп калбайлы. “Грузия кантип реформа жасай алды” деген сыяктуу китептер жарандарга жеткиликтүү болсо, окууса, реформа эмне экенин түшүнөт. Анан парламенттик, президенттик шайлоодо реформаларды талап кылып баштайт. Өлкөдө элдин талабы жок реформалардын ишке ашышы абдан күмөн.

Уюштуруучулардын айтуусу боюнча китепти кыргыз тилине которуунун максаты — Грузиядагы жасалган реформалардын актуалдуулугу бүгүнкү күнгө чейин жоголгон жок. Андагы реформалар Кыргызстан үчүн үлгү болуп бере алгандыктан китеп кыргызчага которулду.

Kyrgyz Concept мекемесинин директорлор кеңешинин төрагасы Эмил Уметалиев реформанын негизинде Грузия элине сапаттуу кызмат көрсөттү дейт.

Грузияда мамлекеттик кызматкерлер тез арада сапаттуу кызмат көрсөтө алат. Муну менен элине шарт түзүлүүдө. Буга 7 жылдан бери күбө болуп келемин. Көбүнчөсү Грузиянын Тбилиси жана Батуми шаарларында болот. Бүгүнкү күндө Батуми туристтер үчүн эң жагымдуу шаар. Мамлекет сапаттуу кызмат көрсөтсө, анда эл да ишкерлигин кооптонбой кылат.

Кошумчалай кетсек, BUGUPRESS маалымат агенттиги бул долбоордун алкагында «Грузия кантип реформа жасай алды» китебинин аудио вариантын жасап чыкмакчы.

Comments are closed.

Марал Радиосу cможет принять любую посещаемость благодаря кешированию WP Super Cache