Шашылыш кабар:

Жаш илимпоздун көлөмдүү котормосу

Декабрь 12th, 2017 | by Бакыт Төрөгелди уулу
Жаш илимпоздун көлөмдүү котормосу
Билим жана Маданият
0

Алмазбек Бейшеналиевдин «Жоготулган Агартуу» Борбордук Азиянын Алтын Доору Араб басып алууларынан Темирланга чейин деген котормосу чыкты.

Тарых илимдеринин доктору, Вашингтондогу Жонс Хопкинс университетинин кызматкери Фредерик Старрдын Борбор Азиянын тарыхын иликтеген «Lost Enlightenment» Central Asias Golden Age from Arab Conguest to Tamerlane китеби дүйнөнүн 20 тилине которулган. Эми аны профессор, доктор Алмазбек Бейшеналиев башында турган топ «Жоготулган Агартуу» Борбордук Азиянын Алтын Доору Араб басып алууларынан Темирланга чейин деген ат менен кыргызчага которуп, окурмандарга сунуштады. Китептин ачылышында Бейшеналиев котормо тууралуу буларга токтолду.

Алмазбек Бейшеналиев

Алмазбек Бейшеналиев

 

— Бул жерде котормо жөнүндө сөз жүрүп жатат. Чынын айтканда китепти алгач алганда абдан корктум. Анткени бул жогорку деӊгээлдеги китеп. Ичиндеги илимий булактардын саны 1500дөн ашат. Мен муну которо албайм го, тишим өтпөйт го деп кесиптештериме кайрылдым. Алымжан Закиров агай топ түзүп, ошол топ менен иштегенге аракет кылдык.

 

Жонс Хопкинс университеттиндеги Борбордук Азия – Кавказ институтунун негиздөөчү Фредерик Старр бир нече томдон турган бул Энциклопедияны 20 жыл дегенде жазып бүтүргөн экен. Анын эмгеги менен таанышып чыккан кыргыз илимпоздору Фредерик Старр китепти Кара Кумдун чөлүндө, Памирдин 40 градус суугунда калып, жөө-жалаӊдап жүрүп аягына чыгарганын жазганын айтышты. Ал эми автор өзү, Алмазбек Бейшеналиев редакторлук кылган котормого жергиликтүү талдоочулар кандай баа берип жатканын айтып берди.

— Урматтуу достор, жергиликтүү эксперттер доктор Бейшеналиевдин котормосунун сапаты чыгарманын оригиналынан бир нече эсеге жогору экенин айтып жатышат.

Фредерик Старр

Фредерик Старр

Фредерик Старрдын көлөмдүү чыгармасын окугандар китеп так даталарга, кенен түшүнүктөргө, ал эле эмес бир катар сунуштар менен толгон-токой маалыматтарга бай экенин белгилешти. Муну китепте 1500дөн ашык илимий булактар колдонулганы дагы тастыктап турат.

Энциклопедияда 11-кылымдагы араб изилдөөчүлөрүнүн иликтөөсү дагы камтылган экен. Анда ошол учурдагы 415 сабаттуу кишинин үчтөн бири Борбор Азиядан болгону, философия жана метематика илими менен шугулдангандардын 90 пайызы ушул чөлкөмдө жашаганы жазылган.

Китептин бетачарына катышкан премьер-министр Сапар Исаков Фредерик Старр Борбор Азиянын бир кездеги «Алтын Доорун» жазганын, коӊшулар ортосундагы алака-катышты арттыруу азыркы учурда да актуалдуу экенин айтты.

Премьер-министр Сапар Исаков

Премьер-министр Сапар Исаков

— Ар бир мамлекеттин келечеги ал жайгашкан региондун өнүгүшүнө байланыштуу. Биз аймакты чогуу таанытып, бири-бирибиздин потенциалыбызды көтөрө алабыз. Фредерик Старр  мырза биримдиксиз жашаган өлкөлөрдүн келечеги жок экенин айтууда. Ушуга байланыштуу тыгыз кызматташууга мезгил келди. Ал сөз жүзүндө эмес иш менен болушу керек.

 

Китепте Борбордук Азиянын гүлдөп турган маалы сүрөттөлгөн экен. Бул 800-жылдар менен 1250-жылдар ортосуна туура келет. Аталган жылдар аралыгында бул аймак экономикалык, саясий, маданий жактан дүйнөнүн очогу болгону, азыр дагы аны ишке ашырууга мүмкүнчүлүктөр бар экени жазылган. Тарых илимдеринин доктору, профессор Төлөбек Абдрахманов Фредерик Старрдын эмгеги тууралуу ой бөлүштү.

— «Борбордук Азиянын Алтын Доору» деген түшүнүк киргизгени үчүн бул кишиге (Фредерик Старр) чоӊ ыраазычылык билдирем. Көп эле окумуштуулар отурабыз, мурда «Ислам цивилизациясынын алтын доору» деп 8-кылымдан 13-кылымга чейинки убакытты айтчубуз. Аны көбүнчө Араб цивилизациясы менен дагы байланыштырчубуз.

Фредерик Старрдын «Lost Enlightenment» Central Asias Golden Age from Arab Conguest to Tamerlane китебин кыргызчага которууда Алмазбек Бейшеналиев редакторлук кылган. Самат Тоялиев техникалык редоктор болсо, которгондордун катарында Алмазбек Бейшеналиев, Алымжан Закирова, Адилет Камбаров, Наризат Макенова, Мейкин Абибековалар бар.  Бул китеп баш-аягы бир жыл ичинде которулуп бүткөн.

Comments are closed.

Марал Радиосу cможет принять любую посещаемость благодаря кешированию WP Super Cache